Ангилал: Сурагчдад зөвлөгөө
Мэдээлэл
Монгол Улсын гавьяат багш Базарын Гомбын нэрэмжит Говь-Алтай аймгийн Есөнбулаг сумын 12 жилийн I сургууль 2010 - 2011 оны хичээлийн жилд Цахим сургууль болохоор бэлтгэлээ хангаж эхэллээ. Үүнтэй холбогдуулан бүх багш нараа компьютерын сургалтанд хамрагдуулж, сургуулийн техник хэрэгслийн хангалт тэдгээрийн хэвийн ажиллагаанд сургуулийн удирдлагын зүгээс ихээхэн анхаарлыг тавьж байна. Мэдээлэл техникийн дэвшлийг сургалтанд ашиглаж үр ашгийг дээшлүүлэх талаар санаачлагатай хандан хөдөө орон нутагт анхдагч болж байгаад багшийн зүгээс талархалтай байна. Бид дэлхийн хөгжилтэй орнуудын сургалтын арга хэлбэрээс хоцрохооргүй сургалтыг зохион байгуулах, эцэг эхчүүд, сурагчидтайгаа зайнаас сургалт явуулах, богино хугацаанд их хэмжээний мэдээллийг солилцох, ажлын байрандаа бусдын арга туршлагаас суралцах зэрэг олон талын боломж зэрэг нээгдлээ.
